ජීවමාන බුදුරජුන් වෙනුවෙන් ඉදි වූ තෙවැනි ස්තූපය ගිරිහඬු සෑය යි
වප් අව අටවක පෝදා පත්‍රයෙන් අප ඔබට සෑයන් දෙකක් ගැන කියා දුන්නා. ඒ සෑයන් දෙක බුද්ධත්වයට පත්වෙන්න කලින් අපගේ බෝසතාණන් වහන්සේ වෙනුවෙන් ඉදි වූ සෑ රඳුන් වහන්සේලා.
 |
| කතරගම කිරිවෙහෙර |
ඒ බෝසතාණන් වහන්සේ ගේ ජීවිතය පූජනීය වන්නේ ඒ ජීවිතය ඉතාමත් අසිරිමත් නිසායි. ගුරුවරයෙක්
ළඟට ගිහින් තොල් සොලවන පමණින් ගුරුවරයාගේ දැනුම බෝසතාණෝ ඉගෙන ගන්නවා. ගුරුවරු දෙදෙනෙක්
ළඟ ම ඉගෙන ගත්තා. නමුත් බෝසතාණන් වහන්සේට සිතුණා මම ගිහි ගෙදරින් නික්මිලා සොයන්නේ
මෙපමණයි ද? සසරේ නිවීමක් සෙවිය යුතුයි කියා උන්වහන්සේ ඒ තැන්වලින් නික්ම ගියා.
ඉන්පසු උන්වහන්සේ දුෂ්කරක්‍රියා කරන්නට පෙළඹුණා. ඒ වසර හයක කළ දුෂ්කර ක්‍රියාව සාමාන්‍ය
අපට සිතා ගන්නවත් බැරි එකක්. දෙතිස්මහා පුරුෂ ලක්ෂණ මුළු ශරීරයෙන් ම අතුරුදහන් වුනා.
සියලු උත්සාහයන් අමාමහ නිවන උදෙසා යි. ඒ උත්සාහයේ ප්‍රතිඵල අද අප යි භුක්ති විඳින්නේ.
මේ සෑම දෙයක් ම උන්වහන්සේ කළේ අප වෙනුවෙන් ම යි. බෝධිසත්වයන්ගේ ජීවිතය රඳා පැවතියේ
පින් බලයෙන්. ඒ වගේ උත්තමයෙක් වැඩ සිටි බිමත් පූජනීය යි. ඒ දුෂ්කර ක්‍රියාවෙන් පසුව
සම්බුද්ධත්වයට පත්වුණා.
උන්වහන්සේ දුෂ්කරක්‍රියා ව අතහැරියාට පසුව සුජාතාව කිරිපිඬු පූජා කළා. ඒ කිරිබත් පූජා
කළ රන් තැටිය ගඟේ පා කර හැරියේ සම්මා සම්බුද්ධත්වයට පත්වෙනවා නම් මේ තැටිය උඩුගං බලා
යත්වා කියන අධිෂ්ඨානයෙන්. උඩුගං බලා ගිය ඒ තැටිය අද තිබෙන්නේ නාග ලෝකයේ. ඒ රන් තැටියේ
තිබූ කිරිපිඬු වැළඳුවේ ගුලි හතළිස් නමයක් කරලා. ඒ ගුලි හතළිස් නවය ම කුසේ පිහිටියා,
එක දවසකට එක ගුළියක් දිරවන ලෙස.
බුදුරජාණන් වහන්සේගේ සර්වඥ ධාතුන් වහන්සේලාගේ ආරම්භය සිදු වෙන්නේ බුද්ධත්වයත් සමඟම
යි. සර්වඥයන් වහන්සේ කියන්නේ සියල්ල අවබෝධ කළා වූ උතුමන් වහන්සේගේ ධාතුන් වහන්සේ යි.
නේරංජනා නදිය අසබඩ වජ්‍රාසනය අසල ජයශ්‍රී මහා බෝ සෙවනේ දී අපේ බෝසතාණන් වහන්සේ සම්මා
සම්බුද්ධත්වයට පත් වුණේ. ඒ ඇති වූ නිකෙලෙස් චිත්ත සන්තානය රෝම කූපයක් පුරා පැතිරි තිබෙනවා.
සිතේ රාග, ද්වේෂ, මෝහ ක්ෂය වූ බව නිකෙලෙස් බව රෝම කූපයක පවා පැතිරි තිබෙනවා. ඒ නිසායි
රෝම කූපයක් පවා ධාතුන් වහන්සේ නමක් වන්නේ. රෝම කූපයේ පවා ආනුභාවය පැතිරි තිබෙනවා. උන්
වහන්සේ සිරිපතුල් තබන විට ඒ සිරිපතුලේ පවා නිකෙලෙස් බව පැතිරි ගියා. පොළොව මහී කාන්තාව
කැමැති නැහැ උන්වහන්සේගේ සිරිපතුල තවත් කෙනෙකුට පෑගෙනවට. බුදුරජාණන් වහන්සේ සිරිපතුල
තබා ඊළඟ සිරිපතුල තබන්න පය ඔසවන විට අර සිරිපතුල මැකී යනවා. උන්වහන්සේ අධිෂ්ඨාන කර
තැබුවොත් පමණයි පා සටහන පවතින්නේ. සිරිපා සටහන තවත් කෙනෙකුට පෑගෙන්නේ නැහැ. එය ආශ්චර්ය
අද්භූත දෙයක්. ඒ සම්බුද්ධාලෝකය මේ ලෝකයට මහත් ආශ්චර්‍යයක් වුණා.
සත්සතිය ගත කරද්දී ආශ්චර්ය බොහෝ දේ සිදු වුණා. විශේෂ දේ තමයි සත්සතිය තුළ පාරිභෝගික
ධාතුන් වහන්සේ නමක් ලෙස ජයශ්‍රී විජයශ්‍රී බෝධින් වහන්සේ ලෝකයට බිහි වීම. ඒ සත්සතිය
ගත කළ ස්ථාන අදටත් සෑයන් සාදා වන්දනාමාන කරනවා. ඒ වගේ ම බුදුරජාණන් වහන්සේට විළඳ මී
පැණි පූජා කිරීමත් මේ සත්සතිය තුළ සිදු වූ දෙයක්. දවස් හතළිස් නවයක් බුදුරජාණන් වහන්සේ
මුව දෝවනය කර නැහැ, වැසිකිළියට කැසිකිලියට වැඩ නැහැ. දවස් හතළිස් නවයක් පැන් පොදක්වත්
පානය කර නැහැ. උන්වහන්සේ කෙසේ ද එහෙම සිටියේ? සුජාතාව පූජා කළ කිරිපිඬු දානය ගුලි හතළිස්
නමයෙන් එක දිනකට එක ගණනෙ කුස පිරුණ නිසායි.
තථාගතයන් වහන්සේ සත් සතියෙන් පසු සිතනවා දැන් දවස් හතළිස් නමයකින් මුව දෝවනය කළේ නැහැ.
එහෙම හිතන කොට ශක්‍ර දේවේන්‍ද්‍රයා මැණික් භාජනයකින් අරළු කුඩු පූජා කළා වැසිකිළි කැසිකිලි
පිණිස. ඒ වගේ ම ශක්‍රයා “නාලිය දැහැටි” දන්ත ධාතුන් වහන්සේ පිරිසුදු කිරීමට පූජා කළා.
ඒ වගේ ම ශක්‍රයා අනෝතත්ත විලෙන් දුන් පැන්වලින් මුව දෝවනය කළා.
පාත්‍රා ධාතුන් වහන්සේ
 |
| මහා සෑය |
පාත්‍රා ධාතුන් වහන්සේගේ වංශකථාවක් නැති නිසා ඒ පාත්‍රා ධාතුව ගැන විශේෂ සඳහනක් නැහැ.
නමුත් අසවල් අසවල් සෑයවල් තුළ පාත්‍රා ධාතුවේ කොටස් වැඩ සිටිනවා කියා සඳහන් වෙනවා.
බුදුරජාණන් වහන්සේගේ පාත්‍රයට සර්වඥ ධාතුන් පුරවා සුමන සාමණේරයන් ලංකාවට වැඩම කළ පසු
ඒ පාත්‍රා ධාතුව පසුව මිහින්තලය සෑයේ තැන්පත් කර තිබෙනවා.
ඒ කාලයේ සිටි රජවරු ලංකාවේ දුර්භික්ෂයක් එන විට බුදුරජාණන් වහන්සේගේ පාත්‍රා ධාතුන්
වහන්සේගේ පැන් පුරවා රතන සූත්‍රය කියමින් රටේ පැන් ඉස තිබෙනවා. රජවරු පත්තිරුවල සෙල්ලිපිවල
ලියා තිබෙනවා ඉඩෝර කාලයක් ආවොත් බුදුරජාණන් වහන්සේගේ ප්‍රතිමාවක පාත්තරය තැන්පත් කර
ඒ පාත්‍රයට පැන් පුරවා රතන සූත්‍රය කියමින් ඉසින්න කියා.
හික්කඩුවේ ශ්‍රී සුමංගල නා හිමියන්ට ලැබූ පාත්‍රා ධාතුන් වහන්සේ කොටස දැනට තැන්පත්
ව තිබෙන්නේ කොළඹ මාළිගාකන්ද විද්‍යොදය පිරිවෙනේ. වළගම්බා රජු සමයේ ධර්මාශෝක රජුගෙන්
අපට ලැබුණ පාත්‍රා ධාතුව සොලී රට ආක්‍රමණය කළ අවස්ථාවේ අරගෙන ගිහින් තිබෙනවා. නමුත්
වළගම්බා රජු නැවතත් සොලි රටට ගිහින් එම ධාතුන් වහන්සේ වඩමවාගෙන ඇවිත් තිබෙනවා. අද වෙනවිට
මිනිසුන්ගේ වන්දනාමාන ලබමින් උතුම් සෑයක් තුළ පාත්‍රා ධාතුන් වහන්සේ වැඩ සිටිනවා. බලන්න
බුදුරජාණන් වහන්සේ දානය වැළඳූ පාත්‍රා ධාතුවේ තිබෙන ආනුභාවය. අදට ඒ පාත්‍රය දෙවි මිනිසුන්ගෙන්
පිදුම් ලබනවා. එය අද්භූතයි ආශ්චර්යයි.
පාත්‍රා ධාතුව පිළිවඳ වැඩි විස්තර මෙතනින් කියවන්න.
පාත්‍රා ධාතුව පිළිවඳ වැඩි විස්තර මෙතනින් කියවන්න.
ගිරිහඬු සෑය
 |
| ගිරිහඬු සෑය ප්‍රවේශ මාර්ගය ඔස්සේ පෙනෙන අයුරු |
 |
| ගිරිහඬු සෑය සමීප දර්ශනයක් |
බුදුරජාණන් වහන්සේ ජීවවමාන ව සිටිද්දී බිහිවන තුන්වන සෑය ලෙස කේස ධාතුන් නිධන් කර තිරියායේ
ඉදි වූ ගිරිහඬු සෑය බිහිවෙනවා.
ශ්‍රී බුද්ධ වර්ෂ 2559 ක්වූ වප් අමාවක පොහෝ දින රාජ්‍ය වර්ෂ 2015 ක් වූ නොවැම්බර්
11 වනදා බදාදා දින බුදුසරණ පත්‍රයේ පල වූ ලිපියක් ඇසුරිණි.
| <<< Previous | Next >>> |
ඔබ මෙම පෝස්ට් එකට කැමති නම් අන් අය අතරේ බෙදා හරින්න.
0 comments :
Post a Comment